Conto "Orellas de bolboreta" en 5 anos

O venres pasado comezamos a traballar o conto "Orellas de bolboreta" , que trata sobre o acoso escolar, pero adaptado ao alumnado de infantil.

Neste conto aprendemos que todos somos diferentes e falamos sobre a importancia do respecto cara os demais.

Dende a nosa aula quixemos cambiar a historia do conto, cambiando todas as palabras feas que lle dicían os nenos\as da aula á protagonista do conto (Mara), convertindo as palabras feas en palabras máis bonitas e respetuosas, que  logo metimos nun bote.

Cada semana regalaremos unha destas palabras ao encargado semanal e falaremos dela.

Outra actividade relacionada con ese conto foi crear os nosos autorretratos en cartolina negra e con moitas cores, potenciando así a creatividade do alumnado.