Resolvendo problemas en 5 anos

O xoves rematamos o libro de “A contar", que aínda nos quedara pendiente do curso pasado. 

Hoxe fixemos a nosa última ficha: un problema matemático.

Non seguimos o orde das fichas, vamos facéndoas aleatoriamente para que resulte máis ameno. 

Hoxe tócounos resolver un problema do conto da Leiteira. 

Como sempre resolvemos o problema de maneira manipulativa para que o alumnado chegue a solución coma se fose un xogo.

Nesta ocasión trátase dunha división ou reparto. 

A leiteita gañaba nunha semana 4 moedas, pero cántas semanas tiñan que pasar para poder gañar 12 moedas?

En vez de moedas empregamos policubos (máis motivadores) e os iconos do tempo meteorolóxico para representar as diferentes semanas. Nun primer momento fomos resolvendo esta situación problemática pero despois propúxenlles outras similares, para afianzar o concepto. 

Primeiro en gran grupo e despois individualmente cada un na súa ficha, pero de maneira manipulativa, porque resulta máis visual e fácil de comprender. 

Finalmente plasmamos o resultado na ficha do libro.

Os procesos son moi diversos en función dos esquemas mentais e da madurez de cada alumn@.