Actividades 15 ao 19 de xuño. Aula 4 anos. Mestra Mónica

Esta semana rematamos un curso escolar un tanto atípico, no que traballamos moitísimas cousas: os números, as grafías, a correspondencia número e cantidade, a correspondencia son e grafía, os meses do ano, a estimulación sensorial, os agrupamentos, as formas xeométricas, os xogos de lóxica, a concienciación e coidado ambiental, o sentido de pertenza a un grupo, a motricidade fina, a conciencia fonóloxica, a competencia dixital...

Pero ademais, grazas ao voso traballo poidemos seguir afianzando algúns destes aspectos, debido a vosa gran dedicación e colaboración conmigo. Por todo elo, quero darvos as Grazas,por todo o apoio recibido.

Como cada ano, na última semana do curso festexamos os aniversarios dos alumnos/as que cumpren anos en verán. Así que non podemos rematar o curso sen felicitar a Hugo, que cumplirá anos o 7 de xullo, e Sara, que estará de aniversario o  23 de agosto. 

🎂Felicitación Hugo

🎂 Felicitación Sara 

Comezamos as propostas desta semana!!!

1. A primeria  proposta céntrase en traballar os números: Con estas actividades queremos traballar o trazo dos números, a asociación dun número coa cantidade. Aquí vos  propoño 2 variantes. Podedes facelas todas ou só algunha.

• Construíndo números con la. Esta é unha actividade que require unha gran destreza. Podemos comezar escribindo os números nun folio e despois cortar un trozo bastante lungo de la para imitar a súa grafía. Tamén podemos empregar limpiapipas. O obxextivo é mellor a grafía e direccionalidade dos trazos.

• Despois podemor asociar numero con cantidade. Ensartando abaloiros ou pasta tipo macarróns nun trozo de la ou limpiapipas.

2. Na segunda proposta tamén traballaremos os números pero, nesta ocasión, na secuenciación dos números e a recta numérica: Cun corcho, números de goma eva  ou cartolina pegados e unhas cinchetas, xa temos listo o noso taboleiro. Os nenos/as deberán conectar os números en orde, usando gomas elásticas.

3. A seguinte proposta é Debuxar con la de cores: Aquí traballaremos a creatividade e a motriciade fina (pinza e precisión). Para esta manualidade só necesitamos:

- Las de cores

- Cola branca

- Folio sobre o que debuxar

- Un lapis

- Tesoiras

Como crear o teu debuxo con la de cores:

1. Primeiro debes ter claro qué debuxar. Se queres facer un debuxo abstracto podes empezar directamente coa la pero se te interesa facer un debuxo máis figurativo te recomendamos que o debuxes primeiro sobre o papel.

2. Agora elixe os cores da la que vas a usar para cada parte e empeza a enchelas coa la. Para elo, aplicaremos unha base de cola branca sobre a superficie que queiramos encher e irémolo cubrindo coa la de forma ordenada.

Para os debuxos abstractos podes untar unha capa de pegamento sobre todo o lenzo e ir traballando enriba directamente, creando o teu debuxo ao momento.

4. a seguinte propsta é Pintar con xeo: A preparación é moi sinxela. O único que temos que facer é engadir colorante alimentario ou témpera á auga. Aconséllovos engadir bastante colorante para que o trazo ao pintar sexa forte.

Podemos facer tantas cores como queiramos pero con ter os 3 primarios (azul, vermello, amarelo) é suficiente, xa que a partires de aí os peques poderán experimentar co cor e crear outros novos.

INGREDIENTES E MATERIAIS

- Auga

- Colorante alimentarioou témpera

- Vasos (tantos vasos como cores distintos queiramos facer)

- Cubiteira

- Papel

- Palillos de xeados ou de médico ou sacamondas (palillos).

 

Unha maneira moi divertida é empregar esta técnica para facer a nosa melena nun autoretrato. 

5. Por último, faremos o xogo O número segredo: Para facer esta actividade fai falla un recipiente transparente,  debaixo do cal imos colocar un folio con números escritos (podemos empregar a lámina que xa fixeramos fai unhas semanas para traballar unha actividade moi similar: o vaso máxico). Logo enchemos o fondo do recipiente con sal, fariña, azucre, arroz, pasta, legumes... 

O obxectivo e ir movendo a fariña cun pincel, culler, espatula... para atopar os números escondidos. Tamén podemos facer a actividade con letras, debuxos ou os nomes dos compañeiros/as.

A miña demostración do xogo:

Disfrutade do verán e vémonos pronto!!!

Unha aperta e un biqiño para tod@s!! :-)