Xogo de Cores e estampación de follas con corcho. 5 anos

Fixemos un xogo da gama cromática onde buscábamos distintas tonalidades: cores de outono, cores do ceo... Encantounos xogar coas cores e sérvenos para a atención e memoria. A continuación seguimos coa árbore de outono. O pasado día pintámoslle o tronco con acuarela e hoxe coa técnica de estampación con corcho que nos encantou fixemos as follas da árbore tamén coa gama cromática de outono.

Visita inesperada en 3 anos

Ao chegar ao colexio atopámonos cunhas estrañas pegadas no corredoiro... parecían as pegadas dunha vaca.

Moi sorprendidos seguimos o camiño percorrido pola vaca e descubrimos unha gran sorpresa... Queredes saber o que pasou? 

Sesións psicomotricidade con cadeiras en 4 e 5 anos

Hoxe trasladamos a sesión de psicomotricidade ao patio exterior, aproveitando o bo tempo.

Nesta ocasión fixemos dous xogos con cadeiras. 

O xogo das cadeiras solidarias, basado no clásico xogo das cadeiras, pero coa diferenza de que neste xogo non eliminamos a ningún participante. Soa a música e o alumnado corre ao redor das cadeiras, cando a música para, o alumnado debe buscar unha cadeira baleira pero... se non hai ningunha cadera baleira que facemos? Pois buscamos a cadera dun compañeir@ para compartir.

Traballamos así a colaboración, a solidaridade e o coidado e respecto cara os demais.

O máis divertido foi caerse e tentar colocarnos todos nunha única cadera. Un reto moi complexo!!! 

Despois fixemos tamén un pequeno percorrido de equilibrios, pasando dunha cadera a outra.

Así o fixeron os alumnos/as de 4 anos:

E así se divertiron os 5 anos:

Estampamos con esponxa follas de Outono . 5 anos

Continuamos coa estación de Outono. Pegamos unhas follas de outono á cartolina. Despois con esponxas estampamos libremente ó redor das follas con tonalidades de outono. Finalmente, levantamos a folla unha vez seco e vemos o resultado. Qué bonito!.

Incubadora. 5 anos

Lemos o conto: "A vaca que puxo un ovo" e encontramos no pasillo unhas pegadas de vaca que nos levaron ata a incubadora. Vimos que dentro había ovos incubándose de qué serán?. Imos ir tódolos días e levar un rexistro ao pasar 21 días veremos qué nace dos ovos. Estamos moi ilusionados podedes velo nas fotos e vídeo.

Psicomotricidade en 4 anos

Xogamos co equilibrio e os desplazamentos.

En parellas debiamos facer un pequeno percorrido en zigzag, cunha pelota entre as pernas. Se a pelota cae, voltamos colócala e continuamos co percorrido. Ao chegar a meta debemos construir unha torre o máis velozmente posible.

Psicomotricidade en 5 anos

Esta semana estivemos xogando ás "4 esquinas" . A dinámica do xogo é a seguinte: marcamos 4 esquinas da aula e o centro da mesma. En cada esquina colócase un alumn@ e o alumn@ do centro tenta "robarlle" a esquina a  algún dos seus compañeiros/as. O que se queda sen esquina debe ocupar o lugar central e tratar de quitarlle a esquina aos outros.

Galiñeiro e xogos motores en 3 anos

Este ano imos levar a cabo un proxecto sobre as galiñas no noso centro. 

Primeiro houbo que construilo, grazas á axuda de Juan, o noso valiosísimo consexe. 

E unha vez rematado o traballo, finalmente puidemos visitalo e coñecer a galiña que apadriñamos na nosa aula.

Ademáis tamén coñecemos outro novo espazo na centro: a aula de psicomotricidade.

Nesta aula fixemos xa 2 xogos motores: saltos e equilibrios, a través dun circuito e  das pelotas daltarinas e da cama elástica.

Minimundo de Animais. 5 anos

Comezamos o Proxecto de Animais e elaboramos unha estrutura con céspede artificial, troncos, herbas.. Despois cada neno e nena da clase escollía qué animais domésticos poderían convivir con nós e os colocaban no minimundo. Este novo material que creamos vai a estar para o noso disfrute no Recanto dos Animais para xogar.

Tronco de árbore. 5 anos

Continuamos traballando o outono e pintamos o tronco dunha árbore coas acuarelas. As acuarelas as empregábamos o ano pasado e nos gustaban moito temos que mesturar a pintura coa auga e cubrir o tronco.

Conto de Érika. 5 anos

Érika trouxo hoxe o conto da Xirafa que non podía bailar. Contóunolo na hora de ler e encantounos. Grazas Érika.

Peroíodo adaptación en 3 anos

Estes días foron días de moitas emocións en 3 anos.

Coñecemos a nosa aula, os seus rincóns, as novas rutinas da aula, os  nosos compañeir@s e mestres, pero sobre todo, experimentamos, exploramos, pintamos, xogamos e fundamentalmente divertímonos moitísimo. Queredes velo?

Valores. 5 anos

Seguimos traballando o proxecto do Monstro de Cores en valores. Hoxe traballamos cos membros da familia e qué emocións nos producen convivir con eles. Pintámolo da cor correspondente da emoción e fixemos un marco de gomets.

Galiñas no Galiñeiro. 5 anos

Chegaron as galiñas ó galiñeiro. A nosa clase temos unha galiña rubia e temos que poñerlle un nome. Metémola no galiñeiro e démoslle pienso e maíz de comer. Teremos que visitala tódalas semanas para coidala. Qué ilusión!.

Conto Xián. 5 anos

Xián tróuxolle a súa tía de Dublín dous contos moi divertidos. Tiña que inventar a historia vendo as ilustracións. Encantounos. Grazas Xián.

Informática. Búho Boo. 5 anos

Comezamos coas clases de informática na Aula de Informática e xogamos o xogo do Búho Boo é un xogo moi divertido para aprender o manexo do rato e o teclado. Iremos tódolos venres unha hora durante todo o curso

Cumpreanos Alejandro. 5 anos

Celebramos o primeiro cumpreanos do curso. Seguimos o método Montessori dando cinco voltas ó redor do sol. E tamén vimos un álbum moi bonito de cando Alejandro era pequeno. Parabens Alejandro!

Xogo de Pop It. 5 anos

Continuamos co Outono. Fixemos un Xogo de Lectoescritura consistía en coller unha tarxeta de Froitos de Outono e reproducir a palabra no Pop It. O Pop It tiña o abecedario da A á Z e o pulsar a letra indicada dase a volta. Cómo lles gustou escribir desta forma!.

Nova Mascota. 5 anos.

Coñecemos a nova mascota da aula chámase Petronila gústalle cantar e arranxar cousas. Benvida Petronila!

Cesta de Froitos de Outono. 5 anos

Comezamos a estación de outono e hoxe apareceu na clase unha cesta chea de froitos: laranxa,marmelo.. debíamos polo nome atopar o froito. A continuación, cada un escribía o nome do seu froito preferido e o debuxaba na ficha. Cántas cousas aprendemos.

Asociación do número e cantidade. 5 anos

Empregamos as nosas fotos pero desta vez para repartir "caramelos" entre os nosos compañeiros. Debíamos repartir o número de caramelos que nos indicaba o número e así asociar a grafía do número coa cantidade. Aprendemos xogando!

Monstro de Cores. Valores. 5 anos.

Comezamos un miniproxecto do Monstro de Cores para traballar as emocións en Valores ou Atención Educativa. Hoxe vimos o conto e apareceu a mascota do Monstro a explicarnos a emoción da Calma. Despois coloreamos o monstro desta emoción e botámoslle purpurina.

Mural da Porta. 5 anos

Rematamos o mural da Porta. Puxémoslle as nosas fotos e coloreamos un cinco. Qué ben quedou a nosa porta da clase.

Mural da Porta con corcho. 5 anos

Fixemos de novo a técnica de estampar con corcho pero esta vez para o mural da porta de 5 anos. Libremente podíamos escoller as cores e estampar no mural. Qué divertido!.

Construccións novas. 5 anos

Xogamos as construccións despois do xogo das letras e encantáronos as construccións novas. As construccións axúdannos o pensamento lóxico-matemático, a orientación espacial, a creatividade, etc.

Asociación nome en minúscula coa imaxen.

Fixemos un xogo divertidísimo coa lectoescritura. Presentamos as tarxetas cos nosos nomes en letras minúscula e tiñamos as fotos plastificadas das fotografías que realizamos no anterior día. Debíamos asociar o nome que nos tocara na tarxeta coa imaxe. Gustounos moito o xogo.

Fotos. 5 anos

Fixemos fotos novas para o portamáscaras e despois as recortamos e pegamos. Aínda non rematamos todos pero continuaremos mañá.

Estampamos con corcho. 5 anos

Comezamos a elaborar un portamascarillas novo. Hoxe comezamos a estampar a cartolina con corcho e témpera. Unha nova técnica que nos gustou moito.