ACTIVIDADES DO 15 AO 19 DE XUÑO. 5 ANOS

O venres remata o curso escolar. As propostas para esta última semana de curso son:

1. Formar o teu nome, o dalgún compañeiro, o de papá ou mamá empregando pinzas, tapas de botellas... nas que podes escribir as letras con rotulador permanente. Se tes algún xogo de letras na casa tamén as podes empregar.

 2. Traballamos a psicomotricidade fina facendo collares ou pulseiras con macarróns e la. Pinta os macarróns de cores deixaos secar e xa podes facer collares.

3. Agora imos escribir os números. Mira o vídeo primeiro.

Escribe os números nun folio e logo podes repasalos con rotulador. A continuación, coloca enriba ponpóns, plastilina, lentellas... Non hai que pegalos.

Agora sinala o número correcto. Non tedes que imprimir.

A continuación, propóñovos un xogo matemático para traballar o conteo. Precisades un dado, botóns ou outro obxecto similar e facer un debuxo. Tira o dado e coloca esa cantidade de pezas nos círculos. Para complicalo máis podes tirar 2 dados e sumar as cantidades.

4. Puntillismo. Esta técnica artística consiste en facer unha obra  mediante o uso de puntos. Para facer os puntos podemos empregar bastoncillos de algodón con pintutra de cores, rotuladores...
Podes facer un debuxo a lapis e logo darlle cor con esta técnica.

5. Conto "A toupiña que quería saber quen lle fixera aquilo na cabeza".

Facemos preguntas para analizar a comprensión do conto: que lle pasou á toupiña,  conseguiu descubrir quen lle fixo aquilo na cabeza...

Sinalar que animais da imaxe aparecen no conto. Copiar nun folio os nomes e debuxalos.

                                                  CABRA- CABALO-PORCO-VACA.

Investigar sobre a toupiña ou outro animal do conto: características, onde vive, de que se alimenta...

Por último movemos un pouco o corpo con estes exercicios psicomotrices:

Para rematar, quero felicitar a tod@s @s que cumplides 6 anos nas vacacións de verán:
Julia, David, Daniela, Lía e Silvia. Parabéns!

Que pasedes unhas felices vacacións. Bicos!