Trataremos este tema dende varias perspectivas: a saúde emocional, os hábitos de alimentación saudables e a actividade física como fonte de saúde e benestar.
Hoxe na aula de 5 anos comezamos a traballar a saúde emocional.
En primeiro lugar tiñamos que identificar que emocións coñecemos e en que situacións as experimentamos.
Para elo fixemos unha especie de mapa conceptual con todas as emocións que unha a unha foi dicindo o noso alumnado. Estas son as que identificaron os alumn@s: odio, amor, felicidade, rabia, soidade, envexa, alegría, tristeza, medo, furia e enfado.
Despois as clasificamos en emocións negativas ou positivas. Explicando que cada unha de elas é necesaria para a noso benestar social, aínda que é convinte que haxa un maior dominio das positivas.
Para as emocións positivas puxemos a icona ✅ e para as negativas a seguinte icona ❌.
Unha vez clasificadas (e consensuadas entre todos) tiñamos que identificar as emocións e asocialas ás emoticonas da cariñas de whatsApp que mellor representasen dita emoción 😀.
Por último, e isto foi o máis divertido de todo o día de hoxe, tiñamos que dramatizar esa emoción cunha cariña ou escena para plasmala nunha foto, que finalmente incorporaremos a un mural (aínda por realizar nos vindeiros días). Hubo moitas tomas falsas e risas. Mágoa que iso non podades velo!! Pero temos na aula grandes actores e actrices.
Con esta actividade traballamos a empatía, o benestar emocional, as expresións faciais e a creatividade, entre outras cousas.
De momento podedes ver as pequenas montaxes que incorporaremos ao noso mural: “Diccionario de emocións".
Ademáis hoxe, aproveitando a decoración tan espectacular do noso cole (que fixo o ANPA), aproveitamos para facernos unhas fotos navideñas durante o tempo de lecer.
Grazas ANPA por converter o noso cole nun lugar tan máxico!! CADA ANO SUPÉRADEVOS MÁIS E MÁIS!! 😉
No hay comentarios:
Publicar un comentario